‘Vise om en mann‘ av Stein Lunde
Dèè maa, grooss chunt èèr dehèèr,
ish rächt abkämpft, èèr hät s shwèèr,
er tuet öis shtarch ershiine,
und füült sich ganz als chliine.
Jeede taag seer früe uufshtaa,
zur fabrik per velo gaa,
für de zmitag bröötli gshtriche,
hät zur aarbet èèr sich gshliche.
Wän acht shtund dän ume sind,
gaat er dur s fabriktoor gshwind.
Zrugg de gliichi wääg durii,
langsaam wiirt er müed debii.
Wän er shliesli häi ish choo,
ish es halbi sächsi shoo.
Isst er z nacht und list no d ziitig,
shlaaft im shtuel nöd nu am friitig.
Tages-shau, ish s änd fom shlööfli,
foor im jez de fèrnsee shtaat,
soo sizt èèr im shtuel wie s shööfli,
gseet daa lüüt wo s übel gaat.
Waas chunt dän, wän d wält no bunt?
Shlaafe bis de nöchsht taag chunt,
èèr no d chläider fürenimt,
d wekziit uf em sächsi shtimt.
Dèè maa, grooss chunt èèr dehèèr,
ish rächt abkämpft, èèr hät s shwèèr,
er tuet öis shtarch ershiine,
und füült sich ganz als chliine.
09.07.2022