‘2 + 2 = 5‘ av Robert Broberg
Zwäi und zwäi git acht i miim shädel mängmaal
und soo ha-n-i s mängmaal shwèèr.
Ich wüür gèèrn fernünftig raisoniere,
für das e besseri gselshaft chiem dehèèr,
shtat gfüül und fakte z addiere,
wäme dän d rächnig macht.
Me fergist no immer gèèrn, das i de shädel ine:
zwäi und zwäi git mängmaal acht.
Öisi zuekunftwisioone tüend plaane,
mit winkel und lineaal,
die lüüt wo fo obe foorgäbed,
waas richtig und waas ideaal.
Wot me s dän aber befele de mäntshe wo läbed
dän chlämt s troz aler macht.
Me fergist no immer gèèrn, das i de shädel ine:
zwäi und zwäi git mängmaal acht.
Di mäishte händ es bedürfnis
zum ferleze fo de konwenzioone,
daas gaat fo piip und chlinnere trözli
zu riisegroosse demonshtrazioone.
Wisoo tüend chiind e ziit lang brüele und nèrfe, und plözli
tüend s shlaafe bis und mit z nacht.
Filicht tüemer fergässe, das au bi chliine chind,
zwäi und zwäi mängmaal git acht.
Für öisi integritèèt,
daa mäint‘ i müemer öis weere,
und für freihäit und solidaritèèt.
Eersh wämmer s für d praxis chönd leere,
wiird s filicht zur realitèèt,
wän d umshuelig fo dène-n-ish gmacht,
wo wänd foorgaa gmèèss tabäle, wo natüürli nie cha
zuelaa, das zwäi und zwäi mängmaal git acht.
Sicher miir wänd e bessers sishteem,
Natüürli bruucht s regle, en organisazioon,
wän ali betroffene löösed d probleem.
Und au d mitshpraach fo alne mues hèèr:
Soo töörf s nöd sii, das me wäiss nöd wèèr
beshtimt, was miir müend tue, das wèèr ja glacht,
wil big Brother laat ganz sicher nie so öpis zue,
das zwäi und zwäi git acht.
(aber jez ish es esoo, das)
zwäi und zwäi git acht i miim shädel mängmaal
und soo ha-n-i s mängmaal shwèèr.
Ich wüür gèèrn fernünftig raisoniere,
für das e besseri gselshaft chiem dehèèr,
shtat gfüül und fakte z addiere,
wäme dän d rächnig macht.
Me fergist no immer gèèrn, das i de shädel ine:
zwäi und zwäi git mängmaal acht.
22.01.2021